Nag-upload ng ‘Bikoy’ videos, arestado ng NBI

Kinumpirma nitong Huwebes ng Department of Justice (DOJ) ang pagkakaaresto ng mga awtoridad sa indibidwal na hinihinalang nag-upload ng anonymous videos ng isang alyas “Bikoy” na tumukoy sa mga Duterte na sangkot sa ilegal na droga.

“It was the person who uploaded the video who was arrested for cybercrime, specifically cyberlibel,” pahayag ni Justice Undersecretary Mark Perete, DOJ spokesperson, sa mga mamamahayag.

Wala namang detalye ng pagkakaaresto ang isinapubliko sa ngayon habang naghihintay ang DOJ sa report ng National Bureau of Investigation (NBI).

Mahalaga ang ginagampanan ni “Bikoy” sa tinatawag na ouster plot “matrix” na inilabas ng Malacañang at nag-uugnay sa tatlong news organization at National Union of Peoples’ Lawyers na naglalayong patalsikin si Pangulong Rodrigo Duterte. Gayunman, sinabi ng pulisya at militar na wala silang namonitor ng anumang banta para mawala sa poder ang Pangulo.

Mariin namang itinanggi ng mga mamamahayag at ng NUPL ang alegasyon at sinabi pang nilikha ng  mismong Pangulo ang sinasabing matrix na maraming kamalian.

Noong Miyerkules, sinabi ni Presidential Spokesperson Salvador Panelo na hindi na kinakailangan pang patunayan ang katotohanan ng matrix.

“The matrix shows that there is an ouster plot. It is just a plot, a plan, an idea,” ani Panelo.

Dapat makipag-usap tayo sa China — Duterte

Matapos ang babala ni Pangulong Rodrigo Duterte sa China na huwag gagalawin ang Pag-asa Island bunsod ng agresibong pagkilos nito sa West Philippine Sea, muli na namang nagbago ang pakikitungo ng Punong Ehekutibo sa higanteng bansa at mas pinili na namang daanin sa negosasyon ang hindi pagkakaunawaan ng dalawang bansa.

Iginiit ni Duterte, na inaakusahan ng ilang grupo na hindi pinagtitibay ang maritime claims ng Pilipinas, na hindi maaaring magtagumpay ang bansa kontra China sa digmaan.

“We can’t defeat them. So let’s stick to just talking unless you want me to say, ‘OK, I’ll attack China. Who’s with me?’ Will America join us? They can’t even resolve their problem with Iraq and Iran in the Middle East. They’ve been at war for a long time. But who won it? Nobody. Many lives were lost including those of civilians, children, the elderly and women. That’s the story,” pahayag ng Pangulo sa campaign rally ng PDP-Laban sa Davao kamakalawa ng gabi.

Inismiran lang ni Duterte ang hamon ng kanyang mga kritiko na bisitahin ang ilang lugar sa West Philippine Sea na inokupahan nang mga Chinese.

“They want me to visit it. It’s fine, it can be done just to show off. But we would all be destroyed. And my soldiers and my policemen will be massacred,” anang Pangulo.

Hindi malinaw kung babanggitin ni Duterte ang isyu sa West Philippine Sea kay Chinese President Xi Jinping kapag nagpulong sila sa Second Belt and Road Forum sa Beijing.

Sinabi pa ni Duterte na ang sinundan niyang si Benigno Aquino III ang walang ginawa sa reclamation activities ng China sa West Philippine Sea.

“America also did not do anything. And now that it has been completed and that there is already a camp there and there are armaments and they want me to go there. Now it’s almost complete. It looks like a real camp. They have guns,” anang Pangulo.

Makalipas ang mahabang panahong pagbibigay sa China, nagbago ang tono ni Duterte kamakailan at sinabihang huwag galawin ang Pag-asa Island na okupado ng puwersang Filipino.

Duterte, umamin ding sariling gobyerno niya ang kalaban sa anti-drug war

Inamin na ni Pangulong Rodrigo Duterte na ang sarili niyang gobyerno ang mismong katunggali niya sa pakikipaggiyera laban sa ilegal na droga.

Bagong luklok pa lamang si Duterte bilang Pangulo ng Republika ng Pilipinas, nangako siyang dudurugin ang illegal drug trade sa loob lamang ng tatlong buwan. Hindi nagtagal, humingi pa siya ng anim na buwang ekstensiyon para lupigin ito dahil hindi niya akalaing napakalaki ng problema sa droga ng bansa.

Sa kanyang talumpati sa Legazpi City, Albay nitong Biyernes, sinabi ni Duterte na nagkamali siya nang gawin ang pangsariling deadline sa paglupig sa ilegal na droga.

“Nagyabang ako na kaya kong tapusin ang illegal drug trade in six months. Ang akala ko talaga noon kaya,” anang Pangulo.

“How can I solve it in six months, mga kalaban ko nasa Bureau of Customs, police generals. They’re all in [Ninoy Aquino International Airport]. Ang kalaban ko is my own government,” sabi pa ni Duterte.

Sa gitna ng maigting na pakikipaglaban ng administrasyong Duterte sa ilegal na droga, bilyon-bilyong pisong halaga ng methamphetamines o shabu ang palihim pa ring nakapasok sa Bureau of Customs ng dalawang beses sa loob ng dalawang taon.

Para naman sa mga human rights watchdogs, naniniwala silang karamihan ng mga napaslang sa madugong anti-narcotic drive ay isinakatuparan ng mga pulis gamit ang extrajudicial killing, isang bagay na mariing pinabulaanan ni Duterte.

Senatorial poll frontrunners, binarya ni Duterte

Minaliit ni Pangulong Rodrigo Duterte ang pangunguna ng mga senatorial bet sa huling resulta ng sarbey habang ipinagpatuloy ang kanyang pakiusap na suportahan ang mga dati niyang opisyales na hindi nakasama sa top 12.

Labis ang pagkagulat ni Duterte nang makita ang mga pangalang nanguna sa senatorial poll na ginawa ng Social Weather Stations (SWS) at nagtatakang sila ang pinili ng tao samantalang higit aniyang maraming karapat-dapat na mas matalino at maaasahang kandidato.

“I do not have to derogate others pero ‘yung sa ano ngayon nangunguna sa survey, susmaryosep, but if that is the way your country… May mga tao dito dedicated, may alam, abogado,” sabi ni Duterte sa birthday party ng senatorial candidate at dati niyang Political Affairs Adviser na si Francis Tolentino sa Tagaytay City noong Huwebes.

Walang binanggit na pangalan si Duterte at hindi rin nilinaw kung ano ang isyu niya sa mga bumabanderang senatorial bet.

Nanguna sina Senador Cynthia Villar at Grace Poe sa SWS survey ng senatorial candidates na ginawa noong Disyembre 16 hanggang 19. Kasama rin sa top 12 sina Taguig Rep. Pia Cayetano, Senador Sonny Angara at Nancy Binay, dating Senador Lito Lapid, Senador Aquilino “Koko” Pimentel III, dating Senador Jinggoy Estrada, dating Interior Secretary Mar Roxas, Ilocos Norte Gov. Imee Marcos at Senador Joseph Victor Ejercito.

Inendorso rin ni Duterte si Tolentino na tinawag niyang hardworking public servant. Todo-suporta pa rin ang Punong Ehekutibo sa kanyang dating Philippine National Police at Bureau of Corrections chief Ronald dela Rosa na tinawag niyang tapat at ang dati rin niyang closein aide na si Christopher “Bong” Go.

Nasa ika-17 at ika-18 puwesto si Tolentino sa SWS poll samantalang tabla sina Dela Rosa at Go sa ika-14 at ika-15 posisyon.

“We need men like them. Mahirap hanapin yung dedication, yung talagang in-love sa trabaho. Sayang ang boto n’yo na ibigay niyo lang sa iba,” sabi ni Duterte.

Kawalan ng respeto ng House kay Diokno, binaterya ng gabinite ni Duterte

Ipinagtanggol ng mga miyembro ng gabinite ang kapwa nila kalihim na si Benjamin Diokno at binatikos ang kahilingan ng mga mambabatas na sibakin ito ni Pangulong Rodrigo Duterte bunsod ng alegasyong siningitan ang nasyonal na badyet para sa taong 2019.

Para sa mga kalihim, isang paglabag sa separation of powers sa pagitan ng legislative at executive branch ng pamahalaan ang panawagan ng Mababang Kapulungan.

Pawang nag-isyu ng kanilang pagsuporta kay Budget Secretary Diokno sina Finance Secretary Carlos Dominguez III, Socioeconomic Planning Secretary Ernesto Pernia, Transportation Secretary Arthur Tugade, Trade Secretary Ramon Lopez, Tourism Secretary Bernadette Romulo-Puyat, Science Secretary Fortunato dela Peña, Interior Secretary Eduardo Año at Bases Conversion and Development Authority President Vivencio Dizon at ipinadala sa Office of the President sa pamamagitan ni Executive Secretary Salvador Medialdea. Continue reading “Kawalan ng respeto ng House kay Diokno, binaterya ng gabinite ni Duterte”